Ad Banner
Ad Banner
Ad Banner
Ad Banner

AC Milani vetëm një pikë edhe ndaj Torinos

22:43 | 18 Prill 2018
Arbresh Info

AC Milani ka ndarë pikët edhe në ndeshjen e sotme (e mërkurë) kundër Torinos.

Gjiganti italian ka barazuar edhe në takimin e zhvilluar mbrëmjen e sotme në kuadër të xhiros së 33-të në Serie A kundër Torinos në Olimpico Grande, shkruan portali arbresh.info.

Pas penaltisë së humbur nga Andrea Belotti në minutën e 4′, skuadra e Gennaro Gattusos siguroi epërsinë përmes Giacomo Bonaventuras ende pa u bërë dhjetë minuta lojë. Anësori realizoi supergol nga distanca duke i siguruar avantazhin skuadrës së tij.
Mysafirët arritën të udhëheqin në Olimpico Grande të Tornios deri në minutën e 70′ të ndeshjes, kuyr Lorenzo De Silvestri realizoi me kokë për 1 me 1 duke barazuar shifrat.

Kjo ishte ndeshja e pestë pa fitore (katër barazime, një humbje) e Kuqezinjve në Serie A.

AC Milani tani ka 54 pikë, 10 larg nga zona e Ligës së Kampionëve, ndërsa Torino gjendet në pozitën e dhjetë me 47 pikë./arbresh.info/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm